اليوم بشارك معكم تجربتي مع مركز صيانة دعم أبل بعد ما اشتريت آيفون 14 برو ماكس وجاء الميكرفون فيه معطوب من المصنع اخذت الجهاز ع الصيانة Genius Bar أكثر من مرة المهم رجعوا استبدلوا لي الجهاز القديم بآيفون جديد، طبعاً سويت لكم فيديو بسيط حول الموضوع مرفق أسفل هذي المقالة الي كتبت فيه القصة باختصار شديد.

تعالوا معي بحكي لكم من البداية اشتريت iPhone 14 Pro Max وجاء فيه مشكلة من المصنع الميكرفون الرئيسي معطوب، لاحظت المشكلة مبكراً لكن كنت اعتقد انها خلل سوفت وير بالتطبيقات لكن بعد الاستخدام المكثف تأكدت أنها مشكلة بميكرفون الآيفون نفسه.

فأول خطوة قمت بها هي الاتصال بالدعم الفني الخاص بشركة أبل عبر الهاتف قام الموظف بفحص الجهاز عن بعد وفعلاً طلع فيه مشكله فطلب مني التوجه الى أي مركز صيانة معتمد وفي حالتي كان أبل ستور دبي مول أقرب شيء فأطلعني على المواعيد المتاحة فحددت له الوقت المطلوب وحجزت موعد صيانة مع فريق Genius Bar لدى آبل، وطبعاً طلبوا احظار الهوية وشاحن الجهاز والأهم من ذلك عمل نسخة احتياطية لكافة محتويات الجهاز قبل حضور الموعد.

أخذت الآيفون أول مرة ورحت لمركز صيانة آبل ع موعد المحدد مسبقاً وعلى فكرة دقيقين جداً بالمواعيد فلازم تحظر بنفس الوقت ولا يفوتك الموعد ولازم ترجع ترتب مرة ثانية. المهم فحص الموظف الجهاز وتم تشخيص مشكلة الآيفون الرئيسي لا يعمل وفي هذه الحالة تم اصلاح الجهاز باستبدال Rear System الخاص بـ iPhone وهو عبارة عن الجهاز كامل عدى الشاشة والكاميرا.

المهم بعد استخدام تقريباً 7 أشهر تعطل الميكرفون مرة ثانية بالإضافة الى مشاكل اخرى في الجهاز أبرزها الضباب على الكاميرات الخلفية نتيجة لعدم الاقفال المحكم بعد تبديل Rear System المرة الأولى فرجعت مرة ثانية ع الصيانة شرحت لهم اللي حصل فقام الموظف بفحص الجهاز وتأكدوا من المشاكل وعرض عليا استبدلوا لي الجهاز القديم بجهاز جديد تماماً نفس المساحة واللون.

وبكل بساطة وافقت على الحل فسحبوا مني الجهاز القديم وأعطوني الآيفون الجديد بنفس اللحظة وبدأت استرجع النسخة الاحتياطية عليه وحتى الآن استخدمه طبيعي ما فيه شيء.

الفيديو: